Kryetari Erden Atiq theksoi se ndarja e 145,500.00 eurove për subvencione në shëndetësi është dëshmi e përkushtimit të komunës ndaj qytetarëve. Ai tha se shëndeti i njerëzve është prioritet dhe se kjo mbështetje ua lehtëson jetën e përditshme shumë familjeve.
Z.Atiq shtoi se synimi mbetet i njëjtë që çdo familje të ketë qasje më të lehtë në shërbimet shëndetësore dhe që vështirësitë financiare të mos jenë pengesë për shërim. Ai nënvizoi se kjo ndihmë do të vazhdojë edhe në të ardhmen, sepse, siç tha ai, interesi i qytetarëve është gjithmonë në vend të parë.
