Demantim
Komuna e Mitrovicës Veriore demanton lajmin e publikuar me titullin “Zyrtarja në Komunën e Mitrovicës Veriore shoqërohet nga policia nën dyshime për keqpërdorim të pozitës zyrtare”, në portalin “Infokus”.
Lajmi është i pavërtetë dhe tendencioz. Personi në fjalë nuk është zyrtare komunale, por bëhet fjalë për një mësimdhënëse në një shkollë të komunitetit serb, dhe Komuna nuk ka asnjë lidhje institucionale me këtë rast.
Ky raportim i pasaktë dëmton imazhin e Komunës dhe keqinformon opinionin publik. Kërkojmë që publikuesi i lajmit të bëjë korrigjimin e menjëhershëm dhe të shmangë përfshirjen e padrejtë të institucionit tonë në çështje që nuk i përkasin kompetencës së Komunës.
