Të dashur qytetarë të Komunës së Mitrovicës Veriore që nuk keni bërë kërkesë për regjistrim të pronës së paluajtshme që posedoni ose të pronës së re që keni hyrë në posedim, sipas njoftimit publik të dt. 09.10.2024, përmes kësaj letër kujtese ju njoftojmë se brenda tridhjetë (30) ditëve kalendarike nga data kur është bërë njoftimi publik i letër kujtesës ose nëse keni pranuar letër kujtesë në pronën e paluajtshme që jeni pronar ose posedoni, duhet të paraqiteni në:
Zyrën e Tatimit në Pronë nё Komunёn e Mitrovicёs Veriore, nё katin pёrdhes me adresë “Lagja e Boshnjakve” Mitrovicë Veriore.
Vërejtje:
Nё bazё tё nenit 35, të Ligjit 06/L-005 pёr Tatimin nё Pronёn e Paluajtshme, nëse nuk i përmbaheni letër kujtesës në afatin e parapar ligjor do të ju shqiptohet gjobë në një shumë që është e barabartë me tridhjetë përqind (30%) të tatimit të vlerësuar në vitin pasues.
Gjithashtu në bazë të Ligjit për Tatimin në Pronën e Paluajtshme për tatimpaguesit shqiptohen edhe gjoba tjera si në vijim:
• Për tatimpaguesit që refuzojnë inspektimin, shqiptohet gjobë në vlerë 30% të tatimit të vlerësuar në vitin pasues.
• Për tatimpaguesit që nuk deklarojnë ndryshimet në pronën e palujtshme, shqiptohet gjobë në vlerë që është e barabartë me dyfishin e tatimit të vlerësuar që rrjedh nga diferenca midis vlerës së re të vlerësuar dhe vlerës së vjetër.
• Tatimpaguesi i cili deklaron dy (2) apo më shumë njësi rezidenciale të objektit si vendbanimin e tij parësor i shqiptohet gjobë prej 100 Eurosh.
• Tatimpaguesi i cili nuk paguan tatimin në pronën e paluajtshme në datën ose para datës së fundit për pagesë i vendoset gjobë në një shumë që është e barabartë me dhjetë përqind (10%) të këstit të tatimit të papaguar
KONTAKTI: Email: mitrovica.veriore@rks-gov.net Tel: 038 200 34 844
Për më shumë informacione ju lutem vizitoni zyrën komunale të tatimit në pronë apo vizitoni faqen zyrtare të tatimit në pronë: https://mfpt.rks-gov.net/TatimiNeProne/Ballina/152
