- Mbajtja dhe ruajtja e librave amëz të të lindurve, martuarve dhe vdekurve;
- Regjistrimi i të porsalindurve në LAL;
- Regjistrimi i të vdekurve në LAV;
- Kurorëzimi i martesave brenda dhe jashtë Komunës dhe regjistrimi në LAM;
- Ndryshimi dhe përmirësimi i emrit personal sipas kërkesës së palës;
- Lëshonçertifikatat (për faktet që mbajnë evidencë sipas detyrës zyrtare): çertifikatat e lindjeve, jete, statusit martesor, martese, vendbanimit, vdekjes, bashkësisë familjare, shtetësisë, dhe deklaratën për mbajtjen e familjes;
- Zhvillon procedurën për fitimin dhe humbjen e shtetësisë;
- Të gjitha punët e tjera të bazuara në kompetencat e deleguara nga pushteti qendror.
Në zyrat e Sektorit të Gjendjes Civile qytetarët mund të aplikojne qe te pajisen me këto dokumente si: çertifikatat e lindjes, të vdekjes, kurorëzimet,çertifikatat e statusit martesor, dëshmi për personin që është gjallë, dëshmi për vdekjen ku u shërben qytetarëve për trashëgimi, vërtetimin që është mbajtës i familjes, evidenca e numrave personalë për fëmijë deri në 16 vjeç, regjistrimi i lindjeve,i vdekjeve, i kurorëzimeve, çertifikatat mbi bashkësitë familjare, si dhe vërtetimi i përshkrimeve, nënshkrimeve, dorëshkrimeve etj.
Më poshtë e keni të paraqitur proceduren për aplikim të çertifikatave
Procedura për regjistrim dhe marrjen e çertifikatave
- çertifikatë e lindjes
- çertifikatë shtetësie
- çertifikata e statusit martesor
- çertifikatë martese
- çertifikatë vendbanimi
- çertifikatë për lidhje martese
- çertifikatë vdekjeje
- çertifikata e bashkësisë familjare
Çertifikata e lindjes
Nëse jeni të regjistruar, mund t`ia bëni kërkesën zyrtarit të gjendjes civile në të cilën ndodhet regjistri i të lindurve për ju. Në secilën dosje të Regjistrimit të Lindjes duhet të gjendet komplet dokumentacioni i nevojshëm për regjistrimin e lindjes. Dokumentacioni që përmban dosja ndryshon varësisht nëse lindja ka ndodhur në institucion shëndetësor, jashtë institucionit shëndetësor apo jashtë vendit. Nëse konstatohet se në dosjen e regjistrimit të lindjes gjenden:
- Kërkesa për regjistrimin e lindjes,
- Fletë lëshimi i institucionit shëndetësor publik apo privat ku ka ndodhur lindja,
- Çertifikata e martesës për prindërit e fëmijës,
- Procesverbali për pranimin e atësisë, nëse fëmija është jashtëmartesor,
- Fotokopjet e dokumenteve të identifikimit për prindërit e fëmijës. Për fëmijët e braktisur, vërtetimi i organit të kujdestarisë.
Për fëmijën e lindur jashtë institucioneve shëndetësore (në shtëpi) lëshohet, në dosjen e regjistrimit të lindjes duhet të gjenden këto dëshmi:
- Kërkesa për regjistrimin e lindjes,
- Vërtetimi i institucionit shëndetësor për vaksinimin e kryer,
- Çertifikata e martesës për prindërit e fëmijës,
- Procesverbali për pranimin e atësisë, nëse fëmija është jashtëmartesor,
- Deklarata e së paku dy dëshmitarëve që kanë asistuar gjatë lindjes apo kanë njohuri të drejtpërdrejta për lindjen e fëmijës jashtë institucionit shëndetësor,
- Fotokopjet e dokumenteve të identifikimit të prindërve të fëmijës.
Për çertifikate të lindjes për fëmijën e lindur jashtë territorit të Kosovës duhet që në dosjen e regjistrimit të lindjes gjenden:
- Kërkesa për regjistrimin e lindjes,
- Çertifikata e lindjes internacionale apo ekuivalenti i lëshuar nga shteti i lindjes,
- Çertifikata e martesës për prindërit e fëmijës,
- Procesverbali për pranimin e atësisë, nëse fëmija është jashtëmartesor,
- Fotokopjet e dokumenteve të identifikimit të prindërve të fëmijës.
Çertifikata e lindjes, vlen për afat të pakufizuar, nëse nuk pëson ndryshime në të dhëna, përveç në rastin kur përdoret për martesë sipas LSC.
Çertifikata shtetësie
Nëse jeni të regjistruar në regjistrin e shtetasve të Kosovës, mund t’ja bëni kërkesën zyrtarit të gjendjes civile, në të cilën ndodhet regjistri i shtetasve për ju. Kjo çështje është e rregulluar me Ligjin për Shtetësinë e Kosovës. Për çertifikatë shtetësie personi duhet të jetë prezent në Zyrën e Gjendjes Civile, duhet ta bëj kërkesën dhe të posedoj dokument të identifikimit. Gjithashtu duhet të ketë çertifikatën e lindjes.
Çertifikata e statusit martesor
Çertifikata e statusit martesor është dokument zyrtar që e lëshon Zyra e Gjendjes Civile, në bazë të dhënave nga regjistri i lindjes, sipas detyrës zyrtare ose me kërkesë të personit të interesuar. Ndërsa, në rastet kur nuk ekziston regjistri i të lindurve, lëshohet në bazë të deklaratave të dy dëshmitarëve dhe kopjes së dokumentit të identifikimit të paraqitësit të kërkesës dhe dëshmitarëve. Nëse gjendja martesore e tij/saj është e shkurorëzuar duhet vendimi i shkurorëzimit. Çertifikata e statusit martesor, vlen 6 muaj nga data e lëshimit.
Çertifikata martese
Nëse jeni të regjistruar në regjistrin e të martuarve, mund t`ia bëni kërkesën zyrtarit të gjendjes civile në të cilën ndodhet regjistri i të martuarve për ju. Çertifikata e martesës, vlen deri sa nuk ka ndryshime në të dhënat.
Çertifikatë vendbanimi
Nëse jeni të regjistruar në regjistrin e vendbanimit, mund t`ia bëni kërkesën zyrtarit të gjendjes civile në të cilën ndodhet regjistri i vendbanimit për ju. Ende nuk kanë hyrë në fuqi UA për zbatimin e Ligjit për vendbanimin.
Çertifikata për lidhje martese
Çertifikata e martesës, kapaciteti martesor, është dokument zyrtar që e lëshon Zyra e Gjendjes Civile, në bazë të dhënave nga regjistri i të martuarve, sipas detyrës zyrtare apo me paraqitjen e kërkesës me shkrim. Nëse qytetari i huaj e ka fituar shtetësinë e Kosovës dhe lidhë martesë jashtë shtetit, duhet ta nxjerrë çertifikaten me aftësi ligjore për të lidh martesë jashtë shteti (kapaciteti martesor). Çertifikata e martesës, vlen 6 muaj nga data e lëshimit.
Çertifikatë vdekjeje
Nëse personi në fjalë është i regjistruar në regjistrin e të vdekurve, mund t`ia bëni kërkesën zyrtarit të gjendjes civile në të cilën ndodhet regjistri i të vdekurve. Nëpunësi kompetent duhet ta bëj verifikimin e drejtpërdrejtë në regjistrin përkatës të gjendjes civile apo në dosjen fizike pas konstatimit se janë plotësuar këto kushte:
- Kërkesa për e regjistrimin e vdekjes,
- Vërtetimi mbi vdekjen nga institucioni shëndetësor, nëse vdekja ka ndodhur në institucionin shëndetësor publik ose privat,
- çertifikata e lindjes,
- çertifikata e martesës për ata që kanë qenë të martuar.
- Fotokopja e dokumentit të identifikimit ose dokumenti i udhëtimit i personit për të cilin kërkohet çertifikata,
- Dëshmia e dy dëshmitarëve që e kanë parë me sy të vdekurin ose e kanë bërë identifikimin e kufomës pa ndonjë dyshim nëse vdekja ka ndodhur jashtë institucionit shëndetësor.
- çertifikata e vdekjes, internacionale ose ekuivalenti, nga shteti ku ka ndodhur vdekja, kur vdekja ka ndodhur jashtë,
- çertifikata e vdekjes e lëshuar vetëm pasi jetë bërë regjistrimi në regjistrin e gjendjes civile të të vdekurve.
Nëse vdekja ndodhë jashtë shtetit, duhet çertifikata origjinale e vdekjes e lëshuar nga shteti i huaj, kopja e dokumentit të identifikimit të personit të vdekur dhe kopja e dokumentit të paraqitësit të kërkesës për regjistrimin e faktit të vdekjes. çertifikata e vdekjes, vlen përgjithmonë.
Çertifikata e bashkësisë familjare
Deklaratën e bashkësisë familjare, e lëshon Zyra e Gjendjes Civile sipas detyrës zyrtare ose pas kërkesës me shkrim nga personi i interesuar. Nëse kërkuesi ka dikë që është i varur prej tij dhe duhet cekur në çertifikatë, atëherë personat duhet të jenë pranishëm dhe të prezantojnë kopjet e dokumenteve të identifikimit të tyre. çertifikata mbi bashkësinë familjare vlen 6 muaj nga data e lëshimit.
