Përkushtim, përgatitje dhe pasion në çdo lëvizje!
Në hapësirat e palestrës sportive në Mitrovicën Veriore, sportistët e jashtëzakonshëm të Boccias po zhvillojnë stërvitjet intensive në kuadër të përgatitjeve për garën prestigjioze ndërkombëtare World Challenger – Astana 2025, që do të mbahet në fund të muajit gusht në Kazakstan.
Boccia është një sport paraolimpik që kërkon përqendrim të lartë, strategji dhe kontroll të jashtëzakonshëm të lëvizjeve. Ky sport synon përfshirjen dhe fuqizimin e personave me aftësi të kufizuara, duke i bërë pjesë aktive të skenës ndërkombëtare sportive.
Le t’i mbështesim ata në këtë rrugëtim të rëndësishëm dhe të gjithë së bashku t’i dërgojmë energji pozitive ekipit tonë të Boccias!
